Aum Aum Aum.
ham aj ek rishiraj kipaavan katha sunate hain. paavan katha sunate hain.
anandakand rishi dayanand ki gatha gate hain. ham katha sunate hain.

Aum
ham ek amar itihas ke kuchh panne palatate hain.
anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.
dharmadhurandhar munivar ko koti-koti pranam.koti-koti pranam.

bharat ke prant gujarat mein ek gram hai tankara.
us ganv ke brahman kul mein janma ik balak pyara.
balak ke pita the karasan ji maa thi amritbai.
us dampati se ham sabne ek anmol nidhi pai.
ham tankara ki punyabhumi ko shish jhukate hain. (1)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.
dharmadhurandhar munivar ko koti-koti pranam. koti-koti pranam.

phir namakaran ki vidhi hui ik din karasan ji ke ghar
amrit baa ka pyara beta ban gaya mulashankar.
panchave baras mein svayam pita ne aksharagyan diya.
athaven baras mein kulaguru ne upavit pradan kiya.
is tarah mulaji jivanpath par charan badhate hain. (2)

anandkand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.
dharmadhurandhar munivar ko koti-koti pranam. koti-koti pranam.

jab laga chaudahavan saal to ik din shivaratri ayi.
us rat ki ghatana se kumar ki buddhi chakarai.
jis ghadi chadhe shiv ke sir par chuhe chori-chori.
mulaji ne samajhi turat murtipuja ki kamajori.
har mahapurush ke lakshan bachapan mein dikh jate hain. (3)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

phir ik din maa se putr bola maa duniyan hai phani.
main mukti khojane jaunga pani hai ye jindagani.
chupachap sun rahe the bete ki bat pita gyani.
jaldi se unhonne uska byah kar dene ki thani.
is bhanti byah ki taiyari karasan ji karate hain. (4)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

shaadi ki baat ko sunake yuvak mein krantibhav jage.
ve gupchup ek sunasan rat mein ghar se nikal bhage.
teji se mulaji mein ae kuchh parivartan bhari.
diksha lekar vo bane shuddh chaitany brahmachari.
ham kabhi-kabhi bhagavan ki lila samajh na pate hain. (5)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

phir jagah-jagah par ghum yuvak ne yogabhyas kiya.
kuch kaal baad purnanand ne unko sannyas diya.
jis divas shuddh chaitany yahan sannyasi pad paye.
vo swami dayanand saraswati us din se keh laye.
ham jagaprasiddh is nam pe apana hirday lutate hain. (6)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

sannyas baad swami ji ne ki ghor tapashcharya.
sache sadguru ki talash yahi thi unaki dinacharya.
gujarat se pahunche vindhyachal phir kata panth bada.
phir paar karake haridvar himalaya ka rasta pakda.
ab swamiji ke safar ki ham kuchh jhalak dikhate hain.(7)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

tirthon mein gae melon mein gae vo gae pahadon mein.
jangal mein gae jhadi mein gae vo gae akhadon mein.
har ek tapovan tapasthali mein yogiraj thehre.
par har mukam par mile unhen kuchh bhed bhare chehare.
sadhu se mile santon se mile vriddhon se mile swami.
jogi se mile yatiyon se mile siddhon se mile swami.
tyagi se mile tapasi se mile vo mile akkhadon se.
gyani se mile dhyani se mile vo mile phakkadon se.
par koi jaadu kar na ska mann par swami ji ke.
sab unchi dukanon ke unhen pakavan lage phike.
yogi ka kaleja tut gaya vo bahut hatash hue.
koi sadguru na mila isse vo bahut nirash hue.
ankhon se chhalakate ansu swami rok na pate hain. (8)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

itne mein achanak andhakar mein prakata ujiyara.
pragyachakshu ka pata mila ik vriddh sant dvara.
mathura mein rehte the ek sadguru virajanand nami.
unse milne tatkal chal pade dayanand swami.
akhir ik din mathura pahunche tejasvi sannyasi.
guru ke darshan se nihal hui unkiankhe pyasi.
guru ke antarchakshu ne patr ko jhat pahachan liya.
uski pratibha ko pehle hi parichay mein jan liya.
sadguru ki anumati maang dayanand unke shishy bane.
aage chalkar ke yahi shishy bharat ke bhavishy bane.
guru ashram mein swami ji ne jamakar abhyas kiya.
har vidya mein parangat ban aatma ka vikas kiya.
jo karmath hote hain vo manjil pa hi jate hain. (9)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

gurukirpa se ik din yogiraj vaman se virat bane.
vo purn gyan ki duniya ke anupam samrat bane.
sab chhatron mein the apane dayanand bade buddhishali.
sari shiksha bas tin varsh mein puri kar dali.
jab shiksha purn hui to gurudakshina ke shan aye.
mutthibhar laung swami ji guru ki bhent hetu lae.
jo laung dayanand lae the shraddha se chav se.
vo laung lie guruji ne bade hi udas bhav se.
swami ne guru se vida mangi jab ai vida ghadi.
tab andh guru kiankh mein ganga-yamuna umad padi.
vo drsihy dekhakar hui badi swami ko hairani.
par itane mein hi mukh se guru ke nikal padi vani.
jo vani gurumukh se nikali vo ham doharate hain. (10)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

guru bole suno dayanand main nij hrday kholata hun.
jis baat ne mujhe rulaya hai vo baat bolata hu.
in dinon badi dayaniy dasha hai apne bharat ki.
hil gai hain sari buniyaden is bhavy imarat ki.
pis rahi hai janata pakhandon ki bhishan chakki mein.
apas ki phut bani hai baadha apani tarakki mein.
hai kuritiyon ki kara mein sara samaj bandi.
sanskriti ke rakshak bane hain bhakshak hue hain svachchhandi.
kar diya hai ganda dharm sarovar mote magaron ne.
jarjarit jati ko jakda hai badamash ajagaron ne.
bhakti hai chhupi makkaron ke majabut shikanjon mein.
aryon ki sabhyata roti hai papiyon ke phandon mein.
guru ki vani sun kar svami vyakul ho jate hain (12)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

guru phir bole ishvar bikata ab khule bajaron mein.
aya hai bhayankar parivartan achar-vicharon mein.
har chabutare par baithi hai ban-than kar chalaki.
us thagani ne hai sabako thaga koi na bacha baki.
bimar hai sara desh chal rahi hai pratikul hava.
dikhata hai nahin koi aisa jo iski kare dava.
he dayanand is duhkhi desh ka tum uddhar karo.
manjhadhar mein hai beda, beta tum beda par karo.
is andh guru ki yahi hai ichchha is par dhyan dharo.
bharat ke lie tum apna sara jivan dan karo.
sankat mein hai apani janmabhumi tum jao karo raksha.
jao bete bharat ke bhagy ka tum badalo naksha.
swami ji guru ki charanadhul mathe pe lagate hain. (13)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

guru kiagya anusar is tarah apne brahmachari.
karane ko desh uddhar chal pade banake krantikari.
kar diya shuru swami ji ne ek dhunadhar daura.
har nagar-ganv ke sabhi kumbhakarnon ko jhakajhora.
din-rat rishi ne ghum-ghum kar apana vatan dekha.
jab apna vatan dekha to har taraph ghor patan dekha.
mandiron pe kabja kar liya tha mitti ke khilaunon ne.
badanam kiya tha bhakti ko badaniyat baunon ne.
ramaniyan utara karati thin arati mahanton ki.
vo drishy dekhati rahati thi toli shrimanton ki.
chhip-chhip kar lampat karate the parade mein premalila.
sare samaj ke jivan ka dhancha tha hua dhila.
yah dekh rishi sampurn kranti ka bigul bajate hain. (14)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.
dharmadhurandhar munivar ko koti-koti pranam. koti-koti pranam.

kranti ka karake ailaan rishi maidan mein kud pade.
unke tevar ko dekh ho gae sabake kaan khade.
ek hath mein tha jhanda unke ek hath mein thi lathi.
vo chale banane har hindu ko phir se vedpathi.
haridvar mein kumbh ka mela tha aisa avasar pakar.
pakhand khandini dhvaja gad dirishi ne vahan jakar.
phir lage ghumane sannyasi ji khandan ka khanda.
kitane hi gupt baton ka unhonne phod diya bhanda.
dhajjiyan uda di swami ne sab jhuthe granthon ki.
bakhiya udhed kar rakh di sare mithya panthon ki.
rishivar ne tark taraju par sab dharmagranth tole.
vedon ki tulana mein nikale vo sabhi granth pole.
vedon ki mahatta svami ji sabako samajhate hain. (15)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

chalati thi hukumat har tirath mein lobhi pandon ki.
swami ne pol kholi unake sare hathakandon ki.
aye karane rishi ka virodh gunde hatte-katte.
par apane vajrapurush ne kar die unake daant khatte.
durdasha desh ki dekh rishi ko hoti thi glani.
purakhon ki ijjat par phera tha luchchon ne pani.
ban gae the desh ke devalay lalach ki dukanen.
mandiron mein ram ke baithi thin ravan ki santanen.
swami ne har bhrashtachari ka pardaphash kiya.
dambhiyon pe karake prahar harek pakhand ka nash kiya.
lakhon hindu sangathit hue vaidik jhande ke tale.
jalanevale kuchh dveshi is ghatana se bahut jale.
is tarah desh mein parivartan swami ji laate hain. (16)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

kuchh kaal bad swami ne kashi jane ki thani.
us karmakand ki nagari par apani bhrkuti tani.
jab bhari sabha mein swami kiavaj buland hui.
tab dang ho gae log bolti sabki band hui.
vedon mein murtipuja hai kahan swami ne savaal kiya.
is vikat prashn ne sabhi diggajon ko behal kiya.
kashivalon ne bahut sir phoda ki mathapachchi.
par ant mein nikali dayanand ji ki hi bat sachchi.
mach gaya tahalaka abhimani dharmadhikariyon mein.
bhari bhagadad mach gai sabhi pandit pujariyon mein.
itihas batata hai us din kashi ki haar hui.
har ek disha mein rishiraja ki jay-jayakar hui.
ab ham kuchh aur karishme swami ke batalate hain. (17)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

un dinon bolati thi ghar-ghar mein mardon ki tuti.
har purush samajhata tha aurat ko pairon ki juti.
rishi ne julmon se chhudavaya abla bechari ko.
jagadamba ke sinhasan par baitha diya nari ko.
badakismat bevaon ke bhagy bhi unhonne chamakae.
unake hit nana nari niketan ashram khulavae.
swami ji dekh sake na vidhavaon ki karun vyatha.
karava di shuru turant unhonne punarvivah pratha.
hota tha dharm parivartan bharat mein khullam-khulla.
janata ko nity bharamate the padari aur mulla.
swami ne unhen jab kasakar mara shuddhi ka chanta.
sare prapanchiyon ki duniya mein chha gaya sannata.
phir bhakton ke agrah se swami bambai jate hain. (18)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

bharat ke sab nagaron mein nagar bambai tha bhagyashali.
rishi ji ne pahale arya samaj ki ninv yahin dali.
phir usi varsh swami se hamen satyarth prakash mila.
mann panchhi ko udane ke lie nutan akash mila.
sadiyon se dur khade the jo apane achhut bhai.
rishi ne unake sir par ijjat ki pagadi bandhavai.
jo tang aa chuke the apamanit jivan jine se.
un sab daliton ko laga liya swami ne sine se.
bambai ke bad ik roj rishi punjab mein ja nikale.
unake charanon ke pichhe-pichhe lakhon charan chale.
lakhon logon ne maan liya swami ko apna guru.
satsang katha pravachan kirtan ghar-ghar ho gae shuru.
swami ka jadu dekh virodhi bhi chakarate hain. (19)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

punjab ke bad rajaputana pahunche narabanka.
dekhate-dekhate baja vahan bhi vedon ka danka.
aganit jigyasu ane lage swami ki sabhaon mein.
mach gai dhum vaidik mantron ki dason dishaon mein.
sab bhed bhav ki divaron ko chakanachur kiya.
sadiyon ka kuda-karakat swami ji ne dur kiya.
rishi ne upadesh se lakhon ki takadir badal daali.
jo bigadi thi varshon se vo tasvir badal daali.
phir virabhumi mevad mein pahunche apne rishi gyani.
khud udaipur ke rana ne ki unki agavani.
rana ne unako deni chahi ekaling ji ki gadi.
par vo mahant ki gadirishi ne savinay thukara di.
itane mein jodhapur ka amantran swami pate hain. (20)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

un dinon jodhapur ke shasan ki badi thi badanami.
bhakton ne roka phir bhi bedhadak pahunch gae swami.
Jaswant singh ke us raaj mein tha dushton ka bolbala.
raja tha vilasi is karan har taraf tha ghotala.
ek nich tavayaf bani thi raja ke mann ki rani.
thi badi chulbuli vo chudail karati thi manamani.
swami ne raja ko sudharane kiye anek jatan.
par bilakul nahin badal paya raja ka chal-chalan.
kulta ki palki ko ik din raja ne diya kandha.
swami ko bhari dukh hua vo drishy dekh ganda.
swami ji bole hey rajan tum ye kya karate ho.
tum sher putr hokar ke ik kutiya par marte ho.
swami ji ghor garjan se sara mahal gunjate hain. (21)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

raja ne turant mafi mangi hokar ke sharminda.
par aag-babula ho gai veshya seh na saki ninda.
shadayantr racha rishi ke viruddh kulta pishachini ne.
jaharila jal bichhaya us vikaral sanpini ne.
veshya ne rishi ke rasoiye par daulat barasa di.
pakar sampada apar vo papi ban gaya aparadhi.
sevak ne rat mein dudh mein gup-chup sankhiya mila diya.
phir kanch ka chura dal rishiraja ko pila diya.
vo le rishi ne pi liya dudh vo madhur svad vala.
par phauran swami bhanp gae kuch daal mein hai kaala.
apne sevak ko turant hi bulavaya svami ne.
khud usake mukh se sakal bhed khulavaya svami ne.
pashchatapi ko mahamana nepal bhagate hain. (22)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

aye doctoraye hakim aur vaidyaraj aye.
par dava kisi ki nahin lagi sab ke sab ghabarae.
tab rugn rishi ko jodhapur se le jaya gaya abu.
par vahan bhi unake rog pe koi pa na saka kabu.
abu ke bad ajmer unhen bhakton ne pahunchaya.
kuchh hi din mein rishi samajh gae ab antakal aya.
ve bole he prabhu tune mere sang khub khel khela.
teri ichchha se main sametata hun jivanamela.
bas ek yahi binati hai meri he antaryami.
mere bachchon ko tu sanbhalana jagapalak swami.
jab ant ghadiayi to rishi ne Aum shabd bola.
keval Aum shabd bola.
phir chupake se dhar diya dhara par nashavan chola.
is tarah rishi tan ka pinjara khali kar jate hain. (23)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.

sansar ke aryon suno hamara git hai ek gagar.
is gagar mein ham kaise bharen rishi mahima ka sagar.
swami ji kya the kaise the ham ye na bata sakte.
unaki gun garima alp samay mein ham nahin ga sakate.
sach puchho to bhagavan ka ek vardan the swami ji.
har dashakandhar ke lie ram ka baan the swami ji.
pratibha ke dhani ek jabaradast insan the swami ji.
hindi hindu aur hindustan ke pran the swami ji.
kya barma kya mouritious kya surinaam kya fiji.
in sab deshon mein vidyaman hain aj bhi swami ji.
kenya guyana trinidad singapore yuganda.
ud raha sab jagah badi shaan se aryon ka jhanda.
har arya samaj mein aj bhi swami ji muskate hain. (24)

anandakand rishi dayanand ki gatha gate hain. ham katha sunate hain.
rishivar ko lakh pranam, guruvar ko lakh pranam.
dharmadhurandhar munivar ko koti-koti pranam. koti-koti pranam.

Aum Aum Aum Aum.
Aum Aum Aum.
Aum Aum.
Aum.